WINDOWS 10 PRO BOOTABLE DRIVE SIAM DAN

                                WINDOWS 10 PRO BOOTABLE DRIVE SIAM DAN

     Tunlaiah mitin deuhthawin computer kan kawlin kan nei fer fur a ni a, windows system pawh kan hman nasat ber te zinga mi a ni ngei ang. Chutihlai chuan kan windows hman thin chuan chhiat hun a lo nei leh fo thin a, windows load that a ngaih hun a lo thlenin dawah man chawia load that tir a ngai thin; mahni'n a kan tih ve theih reng, man chawia jan tihkher chu a tul tawh dawn lova, bakah, thingtlanga awm kan nih ngat chuan CPU nena han in put rengte kha thil peihawm a nih reng loh bakah, hun remchang nghah ngat ngat a ngaih ve fo thin avangin, tunah hian mahnia Windows Bootable Drive siam kan tum dawn a ni. CD drive hmang pawhin a siamtheih thova, nimahsela a ran hma thin avang leh Computer/Laptop thenkhata CD Rom a awm tawh ngai loh avangin hman tlanglawnah Pendrive an nei ta ber a tih theih ang.

   I MAMAWH TUR TE:

1. Rufus

2. Windows 10 Pro v1903 x64 en-US Activated-KBO   -   DOWNLOAD

3. Pendrive

TIHDAN TUR:

1. A hmasa berin Rufus leh Windows 10pro ISO file download rawh - HETAH (Rufus leh Windows 10 pro ISO file a awm nghal a, hemi hi torrent file a nih avangin, Computer hmang tan Utorrent emaw Android phone hmang tan Torrdroid hman a ngai ang. A dang pawh torrent file download-na a la awm tho a nia)

2. I download zawh tawh chuan i pendrive kha i computer-ah vit lut rawh le.

3. I download folder-ah khan va lut la, Rufus3.5p kha open rawh

4. Boot Selection hnuaia SELECT kha click la, Windows 10 ISO file kha va thlang rawh

5. Partition Scheme kha MBR emaw GPT ah thlak rawh. I computer kha a chak lutuk lo emaw, a hlui deuh tawh a nih chuan MBR kha i thlang dawn nia.

6. List USB Drive kha tick la, tichuan START kha hmet rawh le.

7. Tichuan han nghak deuh vang vang la, a in load zawh hunah chuan Bootable Drive chu i siamzo a ni der mai dawn a ni. A tul hun hunah i hmang thei ta!!

   Zawhna emaw, request duh i nei a nihchuan private in emaw, comments lamah i rawn sawi mai dawn nia.. Enjoy!!