TAR-CHHIA by Amawia (Poem)

Ka kut ka en a a lo vuai a,

Ka hmai ka khawih a, a chuar zo ta!

Mite'n min ko tar chhia tiin,

Ṭhat lai mualliam auh din ka nuam.

Ka hming tlanglâwn tar-chhia mai maw!

Ka fa ka duat ka hmangaih kha'n,

Ka thu a hnawl a min hlat a chak.

Panlai nun zawng ka kiang nuam ti,

Tunah min ko mimawl min ti!

Ka dâwn ngam lo vanglai liam tur.

Bawihi Bawiha lo ngai teh u,

Hun hian a hnawl e i vanglai te.

Siamtu'n i vanglai pelh tir a,

I chakna zawng a bo hun chuan;

I ni ve ang tar-chhia mai chauh.