COMPUTER-A STARTUP AUTORUN OFF DAN

                                      COMPUTER-A STARTUP AUTORUN OFF DAN 

     Computer a lo chak lemlo a nih hi chuan, kan han on chiaha software a lo in run ve nghal thin hi chu ninawm tak a ni ngawt mai; a in startup chhung a tihrei si a, a in on hnuah pawh thil hrang hrang a rawn in popup fo thin. Mi thenkhat chuan kan hre lo maithei a, tihtawp awlsam tak, thiam loh erawh chuan harsat hmel fu si a ni. I han titawp dawn ang hmiang :

1. Windows Logo leh R kha hmet rual rawh ( Windows Logo + R)

2. Tichuan RUN a lo in popup ang a, chutah chuan msconfig tih type ang che

3. Open la, configuration a rawn lang ang a, tichuan startup kha va thlang a, Task Manager ah khan i lut dawn nia

4. Task manager -a i luh chuan, startup kha thlang leh la, i computer on ruala in run ve nghal tura i duhloh ho kha i disable hmak hmak tawh mai dawn nia.

Ti hian i zo chu a ni der tawh mai, awlsam i ti viau lo maw... Khawngaihin he blog/post hi i share zel dawn nia...

NOTE : Thil thenkhat erawh chu disable chi loh pawh a awm ngei dawn a, chu'ngte chu i disable palh a nih chuan i la buai zual thei maithei a nia - i khawih danglam turah fimkhur ang che 😃😉