BIBLE THURÚK CHU (OUTLINE)
Bible hi lehkhabu tha tak niin kristiante thurin innghahna pawimawh tak leh kan lehkhabu thianghlim a ni a, a tobul hrelovin kan chhiar a, kan vawngin kan sawi mai bawk thin. Mi thenkhat chuan a sawi tum zir hmasa lem lovin kan chhiar thuak a, kan ril rem zawngin kan sawi rem leh mai thin bawk lah tak a. A chhungah hian thuruk inthup hrang hrang a awm a, han chhiar liam puata hriatthiam harsa tak, zirchian ngai angreng tak si a awm nual mai. Zawhna zawng zawng chhan vek theih a ni lova, chhanna zawngtu erawh chuan a hmu thin thung.
Kristian kan nih vang ngawt hian sakhaw dang hnualsuat hi kan tihtur a ni lova, ngun zawka ngaihtuah chuan Bible kan neih theihna tur hian sakhaw dang vuantute chuan kut an lo thlak daih tawh zawk a ni tih a hriat theih. Bible an lehlin hmasak ber chu Septuagint emaw LXX tia sawi thin niin, Greek twang lehlin a ni a, tichuan tuna kan Bible hman hi kan nei ta chauh a ni. Tin, Apokrifa bu pawh hi kristian sakhua chuan lo pawm thin mah sela, tun hnuah erawh hnawl a ni mauh mai thung si a, a chhan eng nge hriat I duh lo’m ni? Protestant te hian Roman Catholic an dodal em tia I ngaihtuah thin kha han chhut niap niap la, engvanga tuna I kohhranah khan awm nge I nih te han ngaihtuah tel law law ta che tiraw.
Thil tam tak a bo thei a, chutiangin lehkhabu pawh. Bible pawh hi a kim biaia kan neih I ring reng em? Bible bu danga awm miah silo, Bible vékin a awm nia a sawi tho site hi I ngaihtuah ve ngai em le? Sakhaw dang pawhin pathian an nei vet ho va, kan biak nen hian inang khat an ni nge an danglam zawk? Bible –a thu mak tak tak, ngaihtuahna hruai khawlo thei tak te hi engtin nge kan chhan thiam tak ang le?
Zawhna tamtak karah zawhna dang a inzep zel a, zawhna zawh chauh duhtawkin chhanna zawn kan hlamchhiah chu ava hlauhawm si em ve le. Engpawh nise, Bible chung changa I ngaihtuah thin leh I ngaihtuah ngai lemloh pawh a ni thei, zawhna neih belh a, chhanna hriat zel I duh chuan a hnuaiah khuan chhiar theihin a awm e 👇👇
No comments:
Post a Comment